"Azərsu" Səhmdar Cəmiyyəti su sayğaclarının quraşdırılmasını xaricdən vəsait götürülməsi hesabına həyata keçirəcək. Trend agentliyinin məlumatına görə, bu barədə jurnalistlərə iyulun 27-də "Azərsu" SC-nin prezidenti Oktay Əsədov məlumat verib.
Onun sözlərinə görə, bu məqsədlə hazırda bir sıra beynəlxalq maliyyə institutları ilə danışıqlar aparılır.
Əsədovun sözlərinə görə, bu zaman Azərsu layihənin reallaşdırılması üçün güzəştli şərtlərlə kreditlərin alınmasında maraqlıdır.
O həmçinin qeyd edib ki, müvafiq sahəyə dair məsələləri nizamlayan qanunverici aktlara görə, sayğacların quraşdırılması istehlakçıların özləri tərəfindən həyata keçirilməlidir.
"Lakin buna baxmayaraq, Azersu indiyə kimi əhalinin yoxsul təbəqəsinin nümayəndələri üçün 2,8 min sayğac quraşdırıb ", - deyə Əsədov qeyd edib.
