Fransanın Sofreco şirkəti iqtisadi inkişaf nazirliyinin investisiya və məsləhətləşmələrin təşviqi Fondu (İMTF) üçün TACIS layihəsinin icraçısı olacaq. Tacis Koordinasiya bürosunun icraçı direktoru Əsgər Ələkbərov Trend agentliyinə bildirib ki, şirkət müqaviləyə əsasən, İMTF-nin institusional təşəkkülü sahəsində yardım edəcək.
Layihənin dəyəri 1 mln. avro təşkil edir ki, bundan 950 min avro məsləhətləşmə xidmətlərinin payına düşür, 50 min avro isə, müvafiq avadanlığın alınması üçün lazımdır.
Layihəyə başlanılması 2005-ci ilin avqustun 2-nə planlaşdırılıb.Həmin vaxt layihənin direktoru, baş ekspert və ticarət məsələləri üzrə ekspert ölkəyə gələcək.Layihənin gerçəkləşdirilməsi 2006-cı ilin dekabrınadək uzadılacaq.
