2006-cı il büdcənin mədaxil dərəcəsinin artımı 2005-ci ilin analoji göstəriciləri ilə müqayisədə 63% təşkil edir. İqtisadi inkişaf naziri Fərhad Əliyevin Trend ə verdiyi məlumata görə, büdcə paketi qanunverici dəyişiklikləri əks etdirir. Büdcə məxaricləri, eləcə də, büdcədənkənar fondlar və onların dərəcələrinin həm mədaxil, həm də məxaric hissələrində əhəmiyyətli dəyişikliklər mövcuddur.
"Əgər 2006-cı ilin büdcə gəlirlərini ötən illə müqayisə etsək, onlar 63% artıb. Dövlət büdcəsinə daxil olan vergilərin həcmi 820 milyon denominasiya olunmuş manatla (5000 AZM = 1 YAZM), gömrük rüsumları və ƏDV (Əlavə Dəyər Vergisi)420 milyon YAZM artıb. Beləliklə, büdcə mədaxilləri 3,4 milyard YAZM, məxaricləri 3,8 milyardYAZM təşkil edib", - deyə nazir qeyd edib.
Onun sözlərinə görə, Azərbaycan Dövlət Neft Fondunun transferlərinin həcmi 430 milyon YAZM məbləğində artıb. "Bu artım göstərici 4 dəfə təşkil edir və 2006-cı il büdcəsində 650 milyon dollar səviyyəsində göstərilib. 2005-ci ildə isə o, 150 milyon dollara bərabər olub",-deyə F.Əliyev bildirib. Büdcədə bir barel neftin qiyməti 40 dollara bərabərdir.
Bu dövrdə xarici ölkələrdən alınan kreditlərin həcmi də artıb. "2006-cı ildə inkişafa yönəldilən büdcə və xarici ölkələrinin vəsaitləri təxminən 2 milyard manat təşkil edib. Bu vəsait əsas etibarilə, yolların tikintisi, içməli suyun təminatı, suvarma kanallarının tikintisi və yenidən qurulması, elektrik stansiyalarını tikintisi və s. kimi infrastruktur layihələrinin həyata keçirilməsinə yönəldiləcək ", - deyə F.Əliyev qeyd edib.
Onun sözlərinə görə, sosial sahə üzrə xərclərin həcmi artıb. "Gələn il hərbi xərclər əhəmiyyətli dərəcədə (təxminən 85% ) artıb. Şübhəsiz ki, büdcə mədaxilləri və məxaricləri 4 milyard dollar təşkil edir. Mədaxil hissəsində artım 63%, məxaric hissə isə təxminən 70% təşkil edir", - deyə nazir qeyd edib.
