Gələn həftə 2-ci reytinq agentliyinin müəyyən edilməsi üzrə Azərbaycan hökumətinin məsləhətçisinin Bakıya səfəri gözlənilir. Bu barədə Trend ə Maliyə Nazirliyindən məlumat verilib. Bu qrupun Türkiyə nümayəndəliyi ilə müqavilə 2005-ci il sentyabrın 30-da bağlanılıb.
İkinci reytinqin alınması istiqamətində Maliyyə Nazirliyinin, İqtisadi İnkişaf Nazirliyinin, Milli Bankın, Qiymətli Kağızlar üzrə Dövlət Komitəsinin nümayəndələrindən ibarət xüsusi komissiya yaradılıb. Bu yaxınlarda komissiya beynəlxalq Moodys reytinq agentliyinin cəlb edilməsi üzrə məsələni müzakirə ediblər.
Bu agentliyin seçilməsində ilk növbədə qiymət amili əsas rol oynayır. Öz xidmətlərinə görə Standard & Poors $55-60 min, Moodys isə $40 min dollar tələb edib. Bundan əlavə, MDB ölkələrində və digər ölkələrdə reytinqləşdirmə təcrübəsinin analizi Moodys agentliyinin mövqeyi daha yüksəkdir.
2006-cı il büdcəsində reytinq agentliklərinin xidmətlərinin ödənilməsi üçün 1,2 mlrd manat vəsait qoyulub. Maliyyə Nazirliyinin nümayəndəliyinin fikrincə, bu vəsait üçüncü reytinq agentliyinin də cəlb edilməsi üçün kifayətdir. Hökumət ilin sonuna kimi 2-ci reytinq agentliyini müəyyən etmək niyyətindədir və buna görədə müqavilənin imzalanmasının yubatmağa çalışır.
Hökumət artıq City Group-u cari ilin sonuna kimi Moodys-la müqavilə imzalamaq üçün müqavilənin layihəsini hazırlanması barədə xəbərdarlıq edib. City Group nümayəndələrinin Bakıya gəlməsində əsas məqsəd onların müqavilənin layihəsini gətirmələri ilə bağlıdır.