Bakı banklararası valyuta birjası (BBIB) yanvarda daha iki bankla marketmeyker statusunun alınmasına dair çərçivə sazişi bağlamağı planlaşdırır. Bu barədə Trend ə BBIB-də bildirilib. Ötən ilin dekabrın ortalarında bu sazişə ölkənin doqquz iri bankı qoşulub. Bunlar -"Standart"bank, Nikoylbank, "Respublika" bankı, Kapitalbank, Azəriqazbank, Azərdəmiryolbank, Atabank, Bank of Baku və UniBank kimi banklardır. Azərbaycanın Beynəlxalq bankı təqribən siyahıya yenidən qoşulacaq. Razılaşmaya əsasən bank-marketmeykerlər iki valyuta və 9 birja aləti üzrə müntəzəm ərizələr göstərməlidir. Bunun əvəzində onlara birja vasitəsilə klirinq aparmaq imkanı verilir. Bu, onlara vəsaitə qənaət etməyə imkan verir, çünki banklar AZIPS milli ödəmə sistemi vasitəsilə məbləğdən asılı olaraq ödəməlidir.
Marketmeykerlərin kredit dərəcələri BakIBOR (90 günlük kreditin yerləşdirilməsi üzrə orta dərəcə) indikatorunun hesablamasına daxil olacaq və bu, indiyədək Azərbaycanın 16 aparıcı kommersiya bankının ərizələri əsasında hesablanırdı. Gündəlik göstərilən ərizələr sayəsində daha iri banklar kiçik banklarla sövdələşmə bağlaya bilər. Üstəlik Valyuta birjası 26 bankın balansını təhlil edir.
Birjaçılar hesab edir ki, həmin saziş digər banklar üçün də açıqdır. Bu il BKBT-də əməliyyatların fəallaşması gözlənilir, buna görə də BakIBOR-un hesablamasının gündəlik dilel ərizələri əsasında başlaması və onlarla sövdələşmə bağlanması məqamında olacaq. Bu, vergilər nazirliyinə BakIBOR əsasında kredit əməliyyatlarından bankların mənfəətinə vergiqoymanın həcminin müəyyən edilməsi təklifi ilə müraciət etməyə imkan verəcək. Mənfəət vergisi bankın kredit dərəcəsi ilə fərq hesabına alınmış və bazarın dərəcə səviyyəsinin orta göstəricisi üçün qəbul edilmiş gəlirdən alınır. Hazırda uçot dərəcəsi illik 9%-ə bərabərdir, BakIBOR-un dərəcəsi isə son dəfə manatla illik 15,05% və dollar krediti ilə 15,34% elan edilib.
