Asiya İnkişaf bankı avtomobil yollarınn inşası və su təchizatı layihələrini maliyyələşdirməklə Azərbaycan üçün kreditin həcmini artırmağı planlaşdırır. Bu barədə Trend bankın məlumatına istinadən xəbər verir. Ölkəyə yardım strategiyasına əsasən, 2007-ci ildə bank $179 mln ayırmağı planlaşdırır ki, bu da 2006-cı il üçün proqram çərçivəsində ayrılacaq kreditlərin həcmindən $39 mln çoxdur.
Bankın bu qərarı infrastrukturun inkişafı ilə bağlı hökumətin planlarına artan dəstəyi, müsbət iqtisadi vəziyyəti və s. əks etdirir. Bundan başqa bankın 2006-2007-ci illər üçün yeniləşmiş strategiyası enerji sektorunu, elektrik enerjisinin bərpa oluna bilən mənbələrinin yaradılmasını və ölkənin inkişaf etməmiş regionlarına qaz tədarükünü əhatə kedir.
AİB özəl sektorun iqtisadiyyatın əsas sahələrinin özəlləşdirilməsində iştirakını təşkil etmək üçün əməliyyatlar aparacaq. AİB tərəfindən 2007-ci ildə ayrılması planlaşdırılan 4 kredit cənub istiqamətində yolların, məcburi köçkünlər üçün sosial inrastrukturun inkişafına yönəldilib.