Azərbaycanın Kənd Təsərrüfatı Nazirliyi və BMT-nin Ərzaq və kənd təsərrüfatı təşkilatı (FAO) arasında quş qripi ilə mübarizə çərçivəsində FAO mütəxəssislərinin ölkəyə gəlməsi ilə bağlı danışıqlar aparılır. Bu barədə Trend ə nazirlikdə bildirilib.
Dövlət strukturunda qeyd olunub ki, hazırda Kənd Təsərrüfatı Nazirliyinin dəstəyi ilə mütəxəssislərin - laboratoriya araşdırmaları üzrə ekspert, epidemioloq və kommunikasiya üzrə ekspertin Azərbaycana göndərilməsi ilə bağlı təşkilatın ilkin razılığı əldə olunub.
"Hazırda FAO tərəfindən ölkəyə göndərilməsi planlaşdırılan mütəxəssislərin müəyyən edilməsi ilə bağlı dəqiqləşdirmə işləri aparılır" -deyə nazirlikdə bildirilib.
"FAO nümayəndə heyətinin müəyyən edilməsi ilə bağlı məsələnin bir ay ərzində həll ediləcəyi gözlənilir" -deyə nazirlikdə qeyd olunub.
