2006-cı ilin may ayında Azərbaycanın Xəzər Dəniz Gəmiçilik İdarəsinin gəmiləri Rusiyanın daxili su yolları ilə Xəzərdən Qara dəniz və əks istiqamətdə hərəkətə başlayacaq. Bu proses qrafik üzrə həyata keçiriləcək və eyni zamanda daşımaq üçün yüklərin olub-olmamasından asılı olacaq. Bu barədə Trend ə XDGİ-dən məlumat verilib
Bu il XDGİ gəmilərin RF-nin daxili sularından keçməsi ilə bağlı bu ölkədən 25 icazə alıb. Gəmiçilikdə bu, kifayət göstərici hesab olunur. Əvvəllər gəmilərin Volqa-Baltik və Volqa-Don kanalları ilə keçməsində problemlər yaranırdısa, indi bu məsələ tamamilə həll edilib.
Hökumət nümayəndələrinin qeyd etdiyi kimi, gəmilərin Rusiyanın daxili sularından keçməsi ilə bağlı uzunmüddətli razılaşma əldə etmək üçün danışıqların aparılması nəzərdə tutulur.
