Beynəlxalq Maliyyə Korporasiyasının (BMK) nümayəndəsi Aliyə Əzimovanın Trend ə bildirdiyinə görə, II-III rüblərdə BMK-nın Azərbaycan və Mərkəzi Asiyada lizinqin maliyyələşdirilməsi proqramı çərçivəsində daha iki Azərbaycan bankı lizinq əməliyyatlarının həyata keçirilməsi imkanı əldə edə bilər.
BMK-da $30 mln. həcmində xüsusi fond yaradılıb. Bu fondun vəsaitləri kiçik və orta müəssisələrin lizinq xidmətlərinin Azərbaycan və Mərkəzi Asiyadakı lizinq şirkətləri və banklar vasitəsilə maliyyələşdirilməsi üçün nəzərdə tutulub. Həmin fonddan Azərbaycan və Qazaxıstan bankları üçün ümumi həcmi $15 mln. kredit ayrılıb.