Azərbaycan MDB dövlətləri gömrük xidmətləri başçılarının və iyunun 7-də Minskdə fəaliyyətə başlamış Avropa -Asiya İqtisadi Birliyi (Rusiya, Özbəkistan, Tacikistan, Qırğızıstan, Qazaxıstan və Belorusiya) inteqrasiya komitəsi yanında gömrük xidmətləri başçılarının şurasının növbəti iclasında iştirak edir.
Dövlət Gömrük Komitəsinin sədri Aydın Əliyevin Trend ə verdiyi xəbərə görə, tədbirdə Azərbaycan tərəfindən komitə sədrinin müavini Rza Həsənəliyevin başçılığı altında DGK nümayəndə heyəti iştirak edir.
Onun sözlərinə görə, iclasda Ümumdünya gömrük təşkilatının başçısı Mişel Danenin iştirakı gözlənilir.
Görüşdə gömrük xidmətlərinin əməkdaşlıq məsələləri, gömrük tariflərinin unifikasiyası, gömrük nəzarətinin sadələşdirilməsi və vətəndaşlar tərəfindən sərhəddən keçirilən malların qanuniləşdirilməsi məsələləri müzakirə olunacaq.