"Əczaçılıq fəaliyyəti haqqında" və "Özəl tibb fəaliyyəti haqqında" qanun layihələri Milli Məclisin payız sessiyasında müzakirəyə çıxarılacaq. Bu barədə Trend ə Milli Məclisin saosial siyasət məsələləri daimi komissiyasından bildiriblər.
Komissiyadan onu da bildiriblər ki, ölkədə səhiyyə sahəsini tənzimləyən 15 qanun qəbul edilib. Ancaq qəbul edilən aktlar səhiyyə sahəsində yaranan problemləri həll etmək iqtidarında deyil. Bunu da bəzi qanunlarda boşluqların olması ilə izah ediblər. Qeyd olunub ki, mövcud reallıqlarla uyğunlaşmayan bəzi qanunların monitorinqi aparılacaq. Boşluqlar aşkarlanan qanunlara əlavə və dəyişikliklər ediləcək.
Hazırda komissiya "Əczaçılıq fəaliyyəti haqqında" və "Özəl tibb fəaliyyəti haqqında" qanun layihələri üzərində işləyir.
