Bu gün Nəqliyyat Nazirliyində nazir Ziya Məmmədov ABŞ-ın Azərbaycandakı səfiri Enn Dersi ilə görüşüb. Bu barədə Trend ə nazirlikdən xəbər veriblər. Görüş tanışlıq xarakteri daşıyıb.
Görüş zamanı ölkələr arasında nəqliyyat sahəsi də daxil olmaqla, ikitərəfli əməkdaşlıq məsələləri müzakirə olunub.
Nazirlikdən bildiriblər ki, Z.Məmmədov ABŞ səfrini hazırda Azərbaycanda həyata keçirilən nəqliyyat infrastrukturu sahəsindəki layihələrlə tanış edib.
