Avqustun 1-2-də Tatarıstan Respublikasının baş naziri Rüstəm Minnixanovun Azərbaycana səfəri zamanı onu iri şirkətlərin başçılarından ibarət nümayəndə heyəti müşayiət edəcək. Bu barədə Trend ə Tatarıstanın Azərbaycandakı nümayəndəliyindən məlumat verilib.
Nümayəndə heyətinin tərkibinə "Belaz" "Kamaz", "Almaz" və digər aparıcı şirkətlərinin başçıları, o cümlədən Tatarıstan Səhmdar-Kommersiya Bankı və respublika neft şirkətinin idarə heyətinin sədri daxil olacaq. Tatarıstanın işgüzar dairələrinin nümayəndələri Azərbaycanın iqtisadi imkanları ilə tanış olacaq, azərbaycanlı həmkarları ilə işgüzar görüşlər keçirəcək.
Xatırladaq ki, Tatarıstan nümayəndə heyətinin Bakıya səfəri çərçivəsində Azərbaycan-Tatarıstan hökumətlərarası iqtisadi əməkdaşlıq komissiyasının birinci iclası keçiriləcək.
