İlin sonuna qədər Azərbaycanda 300 hektarlıq üzüm bağları salınacaq. Bu barədə Trend ə Kənd Təsərrüfatı Nazirliyindən xəbər veriblər.
Cari ildə yeni üzüm bağları üzrə proqnoz 1500 hektardır ki, bunun 1200 hektarında əkin aparılıb.
Nazirlikdən bildiriblər ki, 2004-cü ildən 2005-ci ilədək respublikada 2100 hektar sahədə üzüm bağları salınıb.
2006-cı ilə olan istehsalat proqnozuna gəldikdə, dövlət qurumundan bildiriblər ki, bu rəqəm 9 min hektarlıq əkin sahəsilə 80 min ton həcmində müəyyənləşdirilib.
2008-ci ilə qədər Azərbaycanda 6 min hektarlıq əlavə üzüm bağları salınacaq.
Nazirliyin məlumatına əsasən, 2005-ci ildə 9641 hektarlıq əkin sahəsində üzüm yığımı 79 654 ton təşkil edib.
2004-2006-cı illər Regionların Sosial-İqtisadi İnkişafı üzrə Dövlət Proqramına əsasən Azərbaycanın müxtəlif regionlarında, o cümlədən Cəlilabad, Qazax, Xanlar, Kürdəmir, Tovuzda yeni plantasiyaların yaradılması nəzərdə tutulub. Hər il bu rayonlarda 100-150 hektarlıq yeni üzümlüklər salınır. Xanlar, Cəlilabad, Şamaxı rayonlarında Fransadan gətirilən yeni üzüm növləri əkilir.