...

Palmali şirkətlər qrupunun yeni quru yük gəmisi sentyabrın 15-də suya salınacaq

Biznes və iqtisadiyyat xəbərləri Materials 25 Avqust 2006 16:20 (UTC +04:00)

Trend-i buradan izləyin

Volqoqrad gəmiqayırma müəssisəsində Palmali şirkətlər qrupunun sifarişi ilə 7-ci quru yük gəmisinin inşası başa çatır. Trend in xəbər verdiyi kimi, bu barədə şirkətdən məlumat verilib.

Gəmi "Zərifə Əliyeva" adlandırılacaq. Yük gəmisinin bu il sentyabrın 15-də işə salınacağı gözlənilir. Gəminin tutumu 6 970 ton, uzunluğu - 139,6 metr, eni - 16,5 metr, göyərtənin hündürlüyü - 6 metr, su altında qalan hissəsi - 4,6 metr təşkil edir.

Bu ilin iyun ayının 24-də Iolqoqrad şəhərində suya salınmış "Mir Cəlal Paşayev" gəmisi hazırda ilk səfərə çıxmaq məqsədilə Taqanroq şəhərinə istiqamət alıb.

Palmali Şirkətlər Qrupu "Heydər Əliyev" tipli quru yük gəmilərinin inşasını davam etdirməkdədir. Hazırda Nijnıy Novqorod şəhərində yerləşən "Krasnoe Sormovo" gəmiqayırma zavodunda şirkətin sifarişi ilə beş quru yük gəmisi inşa edilir. 2005-ci ilin noyabrında başlayan layihə çərçivəsində ilk gəmi üzrə 68.7%, ikinci gəmi üzrə - 48.2 %, yerdə qalan gəmilər üzrə isə müvafiq olaraq 32.1 %, 7.4 % və 1.4 % inşa işləri görülüb. "Mirzağa Xəlilov" adlandırılan birnci gəminin suya salınması bu ilin sentyabr ayının ortalarına planlaşdırılır.

Palmali Şirkətlər Qrupu Aralıq, Baltik, Xəzər və Qara dəniz hövzələrində yük daşımalarını həyata keçirir. Bununla yanaşı, şirkət Rusiyanın daxili sularında yük daşınmaları üzrə liderdir. Şirkətin donanması kirayə götürülmüş gəmilər də daxil olmaqla 120-yə yaxın yük gəmisindən ibarətdir.

Palmali əsasən neft məhsulları (benzin, qazoyl, vakumlu qazoyl, yanacaq, ağ neft), xam neft və ərzaq, o cümlədən sənaye yağlarının daşınması üzrə ixtisaslaşıb. Şirkətə məxsus quru yük gəmiləri, həmçinin, bütün növ quru yüklərin daşınmasını da həyata keçirir.

Xəbər lenti

Xəbər lenti