...

Dünya Bankı Azərbaycan Əmək Nazirliyində korporativ şəbəkənin yaradılmasını bəyənib

Biznes və iqtisadiyyat xəbərləri Materials 4 Sentyabr 2006 17:30 (UTC +04:00)

Trend-i buradan izləyin

Dünya Bankı Əmək və Əhalinin Sosial Müdafiəsi Nazirliyinin ünvanlı dövlət sosial yardımının tətbiqi çərçivəsində nazirlikdə korporativ şəbəkənin yaradılması ilə bağlı təklifini qəbul edib.

Layihə qrupunun rəhbəri Elnur Sultanovun Trend ə verdiyi məlumata görə, korpoprativ şəbəkənin Azərbaycanda pensiya və sosial islahatlara yardım üçün (PSAP). Dünya Bankının ayırdığı kredit çərçivəsində yaradılması təklif olunur. Adıçəkilən təklif nazirliyin yerlərdəki bölmələrində nəzarətin həyata keçirilməsi və ünvanlı sosial yardımın verilməsinin monitorinqini aparmaq üçün server və qlobal şəbəkənin yaradılmasını nəzərdə tutur.

E. Sultanovun sözlərinə görə, məlumatların mərkəzləşdirilmiş qaydada vahid serverdə toplanması 2006-cı ilin iyulun 1-dən başlanmış ünvanlı yardımın verilməsi prosesinin şəffaflığını təmin edəcək.

Serverin yaradılması 2006-cı ilin sonlarınadək nəzərdə tutulub və artıq seçilmiş şirkət - Qlobal sistem 2007-08-ci illər ərzində yaradılacaq. Bu isə Əmək Nazirliyinə Azərbaycanda yaradılan elektron hakimiyyətə qoşulağa imkan verəcək.

Dünya Bankı, həmçinin, informasiya sisteminin tətbiqinə yardım edəcək və Əmək Nazirliyində kadrların gücləndirilməsi məqsədilə təlim proqramları həyata keçirəcək İT-qrupların yaradılması ilə bağlı təkliflə də razılaşıb.

Layihənin ümumi dəyəri 15,8 mln. dollar təşkil edir ki, bunun da 10 mln. dolları Dünya Bankı tərəfindən ayrılıb. Layihənin icraçıları Əmək Nazirliyi və Əhalinin Sosial Müdafiəsi üzrə Dövlət Fondudur. Layihə üç komponentdən ibarətdir. Birincisi sosial yardımın idarə olunması sisteminin təkmilləşdirilməsini nəzərdə tutur. Yardım almaq hüququ sosial proqramlar çərçivəsində müəyyən olunacaq. Bu halda mülkiyyət və maddi təminat üzrə testlər keçiriləcək. Ünvanlı sosial yardım proqramları həyata keçiriləcək. "Ünvanlı dövlət sosial yardımı haqqında" qanun layihəsinin qəbulu və mexanizmi isə artıq 2005-ci ilin sonunda müəyyən olunub. Bu komponent Əmək və Əhalinin Sosial Müdafiəsi Nazirliyinə şamil edilir. Dünya Bankı kredindən pensiya təminatına 5 mln. dollar, dövlət büdcəsindən isə 2,9 mln. dollar ayrılacaq.

İkinci komponent sosial sığortanın idarə olunması sistieminin təkmilləşdirilməsinə hesablanıb. Sosial islahatlara 8 mln. dollar nəzərdə tutulub. Burada 5 mln. dollar Dünya Bankının, 800 min dollar BMT İnkişaf Proqramının, qalan hissə isə dövlət büdcəsi və Dövlət Fondunun payına düşür.

Üçüncü komponentə layihənin idarə olunması, monitorinq və qiymətləndirmə daxildir.

PSAP üzrə kredit sazişi Azərbaycan hökuməti ilə Dünya Bankı arasında 2004-cü ilin sentyabrın 23-də imzalanıb, 2005-ci ilin yanvarında isə qüvvəyə minib. Dünya Bankı Azərbaycana PSAP üçün 10 ili güzəştli olmaqla 35 illiyə illik 0,75%-lə 10 mln. dollar ayırıb. Kredit bankın direktorlar şurası tərəfindən 2004-cü il iyunun 10-da təsdiq olunub. Onun gerçəkləşdirilməsi 2009-cu il fevralın 28-dək olan müddətə nəzərdə tutulub.

Xəbər lenti

Xəbər lenti