Azərbaycan Hesablama Palatasının nümayəndə heyəti MDB ölkələrinin Ali Maliyyə Nəzarəti orqanlarının rəhbərləri Şurasının sessiyasında iştirak edir.
Bu barədə Trend ə Dövlət İdarəsindən məlumat verilib. Nümayəndə heyətinə HP sədri Namiq Nəsrullayev rəhbərlik edir. İclas sentyabrın 5-6-da Minskdə keçirilir.
Görüşdə Belorus, Gürcüstan, Qazaxıstan, Qırğızıstan, Tacikistan, Ukrayna, Moldova və digər ölkələrin AMNO nümayəndə heyətlərinin iştirakı gözlənilir.
Əvvəlki sessiya 2005-ci ilin sentyabrında Kişinyovda keçirilib. Bu sessiyada da N.Nəsrullayevin rəhbərlik etdiyi nümayəndə heyəti iştirak edib.
MDB ölkələrinin AMNO rəhbərləri Şurası 2000-ci ildə dövlət maliyyə nəzarəti və bu sahədə təcrübə mübadiləsi üzrə fəaliyyətin əlaqələndirilməsi və qarşılıqlı əlaqələrin möhkəmləndirilməsi məqsədilə yaradılıb.
Tədbir zamanı Azərbaycan ilə Rusiya HP və Qazaxıstanın respublika büdcəsinə nəzarət üzrə Hesablama Komitəsi arasında Xəzərin bioloji su ehtiyatlarından və nərə balıqlarının mühafizəsinə, o cümlədən rasional istifadəsinə yönəldilmiş vəsaitlərdən səmərəli istifadənin auditinə dair qərar imzalanacaq.
