2007-ci il dövlət büdcəsinin layihəsində Azərbaycanın yanacaq-energetika kompleksi üçün vasitəli subsidiyaların tətbiqinin 3 variantı təklif olunub. Hökumətdən Trend ə verilən məlumata görə, enerjinin qiymətlərindən asılı olaraq (qaz və elektrik enerjisi) variantlar fərqlənir. 2006-cı ildə olduğu kimi, vasitəli subsidiyalar yalnız "Azərenerji" SC üçün tətbiq olunacaq.
1-ci variantda subsidiyaların həcmi Rusiyadan idxal olunan təbii qazın indiki qiymətindən asılı olaraq, 2-də - qiymətin artması nəzərə alınmaqla (Rusiya tərəfinin gələn il qazın qiymətinin bahalaşacağı iləbağlı bəyanatı ilə əlaqədar) müəyyən edilib. İstənilən halda 2007-ci ildə vasitəli subsidiyaların həcminin azaldılacağı gözlənilir.
Sonuncu variantda subsidiyalar nəzərdə tutulmayıb. Bu isə elektrik enerjisinin qiymətinin bahalaşdığı halda mümkündür.
Beynəlxalq Valyuta Fondu (BVF) hökumətə subsidiyaların həcmini tədricən azaltmağı və gizli subsidiyalaşdırmadan xilas olmağı tövsiyə edib.
2006-cı ilin dövlət büdcəsinin proqnozlarına yenidən baxılması nəticəsində "Azərenerji" üçün vasitəli subsidiyaların həcmi 103,1 mln. manat artırılaraq 438,5 mln manata çatdırılıb.
Düzəlişlərin edilməsi zərurəti Azərbaycanın Rusiyadan aldığı qazın qiymətinin artması ilə bağlı idi. Subsidiyalar qazın $60-a alındığı vaxtlarda yığılıb, hazırda isə Azərbaycan 1000 kub m qaza görə Rusiyaya $110 ödəyir.
Vasitəli subsidiyaların hesabına "Azərenerji"nin ARDNŞ və ARDNŞ-in dövlət büdcəsi qarşısında borcları arasında qarşılıqlı hesablaşma həyata keçirilir.
