Sentyabrın 22-də Volqa-Don kanalının 10 saylı şlüzündə təmir-bərpa işləri başa çatıb. Səhər şlüz birinci gəmini - "Akademik Qluşkov" sərnişin tepoloxodunu qəbul edib. Volqa tərəfdən kanaldan 32, Don tərəfdən isə 23 gəmi keçməlidir. Trend in xəbər verdiyi kimi, şlüzün təmiri nəzərdə tutulmuş 3 sutka deyil, 1 sutka ərzində həyata keçirilib.
10 saylı şlüzün sıradan çıxması ilə nəticələnmiş qəza Azərbaycan Xəzər Gəmiçiliyinə məxsus gəmilərin bu kanaldan keçməsinə təsir etməyib. Bu barədə Trend ə XDGİ-dən məlumat verilib. Kanalda gəmiçiliyin gəmiləri yoxdur. Bu il Azərbaycan Rusiyadan ölkənin daxili sularından keçilməsi üzrə 25 icazə alıb.
Sentyabrın 20-də Volqa-Don kanalının 10 saylı şlüzündə "Qafqaz-Saratov" reysi ilə hərəkət edən "S.Peterburq" tankerinin (uzunluq1- 41 metr, en - 16.9 metr, suya oturma dərəcəsi - 3 metr) şlüzdən keçirilməsi zamanı qəza baş vermiş, nəticədə şlüz istismardan çıxarılmışdı.