Vergilər Nazirliyi operativ vergi nəzarəti üzrə geniş miqyaslı tədbirlər çərçivəsində 132 456 obyektdə reydlər keçirib. Trend in Vergilər Nazirliyinin Operativ Nəzarət İdarəsinin məlumatına istinadən xəbər verdiyi kimi, oktyabrın 27-nə olan vəziyyət üzrə 30934 obyektdə qanunvericiliyin pozulması faktları aşkar edilib. Nəticədə bu obyektlərə qarşı 2 794,858 min manat məbləğində inzibati cərimə tətbiq olunub.
Vergi reydləri iyulun 24-də Bakı üzrə başlanıb. Reydlər yoxlama-nəzarət aparatlarından istifadə və alıcılara çeklərin verilməsi, yəni əhali ilə nağd pul hesablaşmalarının aparılması qaydalarına əməl olunması ilə bağlı keçirilir.