Rusiyanın baş naziri Mixail Fradkovun başçılıq etdiyi Rusiya nümayəndə heyətinin Azərbaycana səfəri likin məlumatlara görə dekabrın 4-5-də baş tutacaq. Bu barədə Trend ə RF-nin Azərbaycandakı ticarət nümayəndəliyindən məlumat verilib. Səfər Azərbaycanda Rusiya ilinin bağlanmasına həsr olunub və bununla bağlı bir sıra böyük tədbirlərin keçirilməsi nəzərdə tutulub.
İlin rəsmi bağlanma mərasimindən başqa, hər iki ölkənin işgüzar dairələrinin iştirakı ilə biznes-forumun keçiriləcəyi gözlənilir. Bundan başqa, hazırlıqla bağlı Azərbaycan-Rusiya hökümətlərarası komissiyanın növbəti toplantısı da keçirilə bilər. X toplantının artıq Bakıda keçirilməsinə və növbəti toplantının Moskvada keçiriləcəyinin nəzərdə tutulduğuna baxmayaraq, yekun üçün toplantının yenə də Azərbaycanda keçiriləcəyi istisna olunmur. Əgər ekspertlərin görüşünü təşkil etmək mümkün olsa, vaxt ilkin olaraq, Rusiya hökümət başçısının səfəri çərçivəsində dekabrın əvvəlinə və ya dekabr ayının sonuna təyin olunub.