Azərbaycan Kənd təsərrüfatı tədqiqatları üzrə Qlobal Forumun (Global Forum on Agricultural Research GFAR) görüşündə iştirak edəcək. Azərbaycan Kənd Təsərrüfatı Nazirliyinin elm-aqrar mərkəzinin beynəlxalq münasibətlər şöbəsinin başçısı Yaqub Quliyevin Trend ə verdiyi məlumata görə, noyabrın 9-dan 12-ə qədər Dehlidə keçiriləcək görüşdə mərkəzin baş direktoru Əsəd Musayev iştirak edəcək.
Tədbirin mövzusu "Minilliyin inkişaf məqsədlərinə çatmaq üçün kənd təsərrüfatı tədqiqatlarının istiqamətinin təkrar müəyyənləşdirilməsi"dir. Görüşdə dünyanın bir çox ölkələrinin mütəxəssislərinin iştirakı gözlənilir.
Konfransın proqramı kənd təsərrüfatı tədqiqatlarının və inkişafın gələcək istiqamətlərinin müzakirəsinə, bu sahədə əsas istiqamət və dəyişikliklərin müəyyənləşdirilməsinə, xüsusilə də kənd təsərrüfatının gələcəyinə töhfə verə biləcək sosial yönümlü yeni texnologiyaların tətbiqinə yönəldilib.
