Azərbaycan Milli Bankı qısamüddətli notların emissiyasının həcmini genişləndirmək yolu ilə 2007-ci ildə pul kütlələri üzərində nəzarəti artırmaq niyyətindədir. AMB baş direktoru Aftandil Babayevin Trend ə verdiyi məlumata görə, gələn il Milli Banka məxsus qiymətli kağızların emissiya həcminin əhəmiyyətli dərəcədə artımı gözlənilir.
Hal-hazırda Milli Bankda 75 mln. manat məbləğində not portfeli, Maliyyə Nazirliyində isə 50 mln. manat məbləğində qısamüddətli dövlət səhmləri portfeli formalaşdırılıb.
Baş direktorun fikrincə, qiymətli kağızların həcmi hazırkı situasiyaya müvafiq olaraq adekvat sayılır.
A. Babayev bildirib ki, "Pul proqramı parametrləri nəzərə alınmaqla ilin sonuna qədər portfelin müəyyən artım dinamikası mümkündür və notların həcminin 80-90 mln. manata çatdırılması nəzərdə tutulur. Hələ valyuta bazarına müdaxilələr davam etməsi və yeni manat emissiyası baş verməsi səbəbindən strelizə üçün qiymətli kağızlar bazarında aktiv iştirak nəzərdə tutulur.
