Azərbaycan, Bakı /müxbir. Trend U.İsmayılova/ Si-Sigorta sığorta şirkətinin fəaliyyət lisenziyasının müvəqqəti olaraq olmaması müştərilərin ondan kənarlaşmasına təsir edib. Şirkətin marketinq üzrə mütəxəssisi Orxan Vəliyevin çərşənbə günü verdiyi məlumata görə, Si-Sigorta-nın lisenziya müddəti yanvarda bitib və şirkət onu yalnız martın 30-da yenidən almağa nail olub.
"Bizim bir neçə daimi müştərimiz lisenziyamızın müvəqqəti olmaması səbəbindən başqa sığorta şirkətlərinə müraciət etməyə məcbur olub"- o deyib.
Si-Sigorta şirkəti Azərbaycan sığorta bazarında 1996-cı ildən fəaliyyət göstərir. O, sığorta xidmətlərinin 17 forması üzrə lisenziya alıb. Bunlardan 3-ü məcburidir. Şirkətin kapital nizamnaməsi 700 min manat təşkil edir. 2008-ci il yanvarın birindən şirkət "Sığorta haqqında" yeni qanuna müvafiq olaraq bu məbləği artırmaq niyyətindədir. Qanun isə bu yaxınlarda qəbul ediləcək.