Azərbaycan,Bakı/müxbir Trend İ.Xəlilova/Sentyabrda "Azərbaycan İnvestisiya Şirkəti" (AİŞ) SC tələbatın müyyən edilməsi və layihələrin gələcək maliyyələşdirilməsi üçün xarci vəsaitlərin cəlb olunması üçün portfelini qiymətləndirmək niyyətindədir. AİŞ-in icraçı direktorunun müavini Riad Qasımovun məlumatına əsasən, nizamnamə kapitalının artırılması üçün Dövlət Neft Fondundan vəsaitlərin cəlb olunması nəzərdə tutulmur. İnvestisiya şirkətinin başlanğıc nizamnamə kapitalı ADNŞ-in vəsaitləri hesabına 90 mln. manat məbləğində formalaşdırılıb.
AİŞ-in alınmaları xarici kreditləşmə və avroistiqrazların buraxılışı ilə mümkündür. R.Qasımovun sözlərinə görə, kreditlərin cəlb olunması üçün AİŞ hələ danışıqlara başlamayıb. Danışıqlar 2007-ci ilin sonunda başlayacaq. Paralel olaraq artıq 2008-ci ildə iki beynəlxalq reytinq agentlikləri olan Fitch Ratings və Moodys Investors agentliklərindən kredit reytinqinin alınması üçün işlər aparılacaq.
"İki reytinqin olması 2009-cu ilin sonuna qədər avroistiqarzaları buraxmağa imkan verəcək. Avroistiqrazlar halında alınmaların mümkün həcmi ilkin olaraq 300 mln. dollar səviyyəsində müəyyənləşdirilib", - deyə R.Qasımov bildirib.
