...

Millicart Direktorlar Şurasının toplantısı keçirilib

Biznes və iqtisadiyyat xəbərləri Materials 1 May 2007 17:48 (UTC +04:00)

Azərbaycan, Bakı/ Trend müxbir İ.Xəlilova/ Mayın 1-də Millicart MMC Direktorlar Şurasının növbəti toplantısı keçirilib. Bu barədə posessinq mərkəzinin icraçı direktoru Cəlal Orucov məlumat verib.

Görüşdə cari məsələlərə, xüsusilə də ötən dövr ərzində mərkəzin xərcləri ilə bağlı məsələlərə baxılıb. "Şura "Millicart"ın cari inkişafını müsbət qiymətləndirib və büdcənin yenidən baxılmasına ehtiyac görməyib",-deyə C.Orucov bildirib.

Əvvəlki iclasın gündəliyinə mərkəzin 2007-ci il üçün büdcəsinə elektrik enerjisi tariflərinin qalxması ilə bağlı düzəlişlər olunması barədə məsələ daxil edilsə də, bu qəbul olunmayıb. Bu il üçün "Millicart" büdcəsi 500 min manat səviyyəsində müəyyən olunub.

MMC-nin xidmət etdiyi bankların fəallığı POS-terminalların quraşdırılması istiqamətində müşahidə olunur və "Millicart" gündəlik 5-10 terminal qoşur. Bu Azərbaycanda ödəmə sisteminin inkişafı, ticarət və xidmət obyektlərində nağdsız ödəmələrin artması ilə əlaqədardır.

Biznes-plana əsasən, MMC 2007-ci ildə öz xərclərini tam ödəmə ilə çıxaraq ili sıfırla bağlamağı planlaşdırır. İlkin gəlirin isə 2008-ci ildə alınması gözlənilir ki, fəallıqdan asılı olaraq bu, cari ildə də bu mümkün ola bilər.

Milli Bank 18 bankla onun idarəçiliyə verilməsi ilə bağlı təsis müqaviləsi imzalayıb. MMC 2006-cı ilin 14 iyununda təsis olunub. Mərkəzin Nizamnamə Fondu 4 mln. manat məbləğində müəyyənləşdirilib. Təsisçiləri isə Atabank, Azərdəmiryolbank, Azərtürkbank, Bank of Baku, Azərbaycan Sənaye Bankı, Debütbank, Əmrahbank, Xalqbank, Kredobank, Azərbaycan Mikromaliyyələşdirmə Bankı, Parabank, Rabitəbank, Bank Respublika, Bank Standard, Texnikabank, Turanbank, UniBank və Zaminbankdır.

Xəbər lenti

Xəbər lenti