Azərbaycan,Bakı/ "Trend.Capital" /Bakıda "Sahil" metro stansiyasının üstündəki "Almaniya-İnvest" şirkəti tərəfindən tikilmiş bina sökülməyəcək. Belə ki, bu bina nə metro stansiyası, nə də binanın birinci mərtəbəsində tikilmiş mağaza və ofislər üçün təhlükə yaratmır. Bu barədə "Almaniya-İnvest"in məlumatında bildirilib.
Sənəddə qeyd olunub ki, bina Elmi-Araşdırma İnstitutunun tikinti təhlükəsizliyi ilə bağlı apardığı işlərdən sonra tikilib. Tikinti işlərinin başa çatdırılmasından sonra bina Dövlət Tikinti və Arxitektura Komitəsi tərəfindən yoxlanılıb.
Məlumatda bildirilib ki, KİV-lərdə binanın çökməsi barədə məlumatlar yayıldıqdan sonra bu obyektin tədqiqi üzrə komissiya təşkil olunub və bir daha aydın olub ki, binanın möhkəmliyinə mənfi təsir göstərən faktorlar yoxdur.