Azərbaycan, Bakı/ Trend müxbir Ü.İsmayılova/ Atəshgah Azərbaycan-rus birgə sığorta şirkətinin səhmdarlarının yığıncağı sentyabr ayında olacaq. Bunu şirkətin baş direktoru İntiqam Hüseynov bildirib.
Hüseynovun sözlərinə görə, toplantıda müzakirə olunması nəzərdə tutulan əsas məsələlərdən biri şirkətin kapitallaşması ilə bağlıdır ki, bu zaman nizamnamə kapitalının iki dəfə artırılaraq 2 mln. manata çatdırılması nəzərdə tutulur.
Toplantı zamanı həmçinin ümumi kapitalın artırılması məsələsi də həll olunacaq. Hazırda bu məbləğ 7 mln. manatdır.
Atəshgah birgə sığorta şirkəti 1996-cı ildə təsis olunub. Sığorta fəaliyyətinin həyata keçirilməsi üçün lisenziyanı isə 1997-ci ildə alıb.
