Azərbaycan, Bakı /müx. Trend S.Əliyev/ Cümə axşamı Nəqliyyat Nazirliyindən verilən məlumata görə, Azərbaycanın iqtisadi inkişaf nazirinin müavini və Asiya İnkişaf Bankının (AİB) Direktorlar Şurasının üzvü Erik Filipp Raydon Boy arasında keçirilən görüş zamanı Azərbaycanda avtomobi yollarının bərpası məqsədilə multitranş kreditlər sistemi (Multitranche Financing Facility) müzakirə olunub. Kreditlər Azərbaycanda mövcud avtomobil yolları şəbəkəsinin genişləndirilməsi və bərpasını nəzərdə tutur.
AİB-in Direktorlar Şurası 500 mln. dollarlıq multitranş paketini və layihə üzrə kredit müqaviləsini təsdiqləməyi panlaşdırır.
Asiya Bankının kredit resursları hissə-hissə ($190 mln.) adi resurslardan ayrılacaq ( illik faizi libor+0,6, güzəştli müddət 4 il olmaqla 24 il müddətinə verilir).
10 mln. dollar isə güzəştli resurslardan ayrılacaq ( güzəştli müddət ərzində faizi 1, qalan müddət ərzində isə faizi 1,5, güzəştli müddəti isə 8 il olmaqla 32 il müddətinə verilir).
Kreditin güzəştli hissəsi avtomagistrallara qoşulan ikinci dərəcəli kənd yollarının bərpası üçün nəzərdə tutulub.
Multitranş kreditlər çərçivəsində Asiya Bankı Masallı-Astara da daxil olmaqla üç yol layihəsini maliyyələşdirməyi planlaşdırır.
