Azərbaycan, Bakı/ Trend / Azərbaycanın Vergilər Nazirliyi aksiz markalarının tətbiqinə nəzarət məqsədilə genişmiqyaslı operativ nəzarət tədbirlərini davam etdirir. Nazirliyin çərşənbə axşamı yayılan məlumatında bildirilir ki, iyulun 3-də nazirlik 7413 obyektdə nəzarət tədbirləri keçirib. 419 obyektdə qanun pozuntusu aşkar edilib.
Nəzarət tədbirləri zamanı ümumi dəyəri 57535 manat olan 37373 aksiz markası olmayan mal aşkar edib. Onlardan 8120-si tütün məmulatı, 29253-ü isə alkoqollu məhsullardır.