Azərbaycan, Bakı /müx. Trend İ.Xəlilova / "Kapital Bank" ASC idarə heyətinin sədri Rauf Rzayevin çərşənbə axşamı veridiyi məlumata görə, bankın 50% dövlət payının özəlləşdirilməsi ilə bağlı tenderdə səkkiz şirkət iştirak edəcək. Kotirovkalar və müvafiq olaraq sövdələşmələr Bakı Valyuta Birjası vasitəsilə həyata keçiriləcək.
Rzayevin sözlərinə görə, yaxın zamanlarda tenderin nəticələri elan olunacaq.
Bank qanunvericiliyinə uyğun olaraq, bir şəxsə səhmlərin 12%-dən çoxu verilə bilməz. Bunu nəzərə alaraq bankın kapitalınldakı 50%-lik dövlət payını beş bərabər payla reallaşdırmaq planlaşdırılır.
Onların satılması nəticəsində bankın kapitalının "Kapital Bank"ın Müşahidə Şurası tərəfindən qəbul olunan qərarda göstərildiyi kimi, iki dəfə deyil, bir qədər çox artırılması planlaşdırılır. Səhmlər qiymət dəyəri üzrə satılacaq və kotirovka qiymətinin balans dəyərindən (12 mln. manat) çox olması nəzərdə tutulur.
Prezidentin 9 fevral 2007-ci il "Kapital Bank" ASC-nin dövlətsizləşdirilməsi ilə əlaqədar tədbirlərlə bağlı sərəncamına uyğun olaraq kriteriyalar "ErnstYoung" konsaltinq şirkətinin təkliflərinə və "Banklar haqqında" qanunun tələbləri əsasında təyin ediləcək. Tenderin vacib şərtlərindən biri yaxşı nüfuza malik təsisçilərin cəlb edilməsi olub və bu proses "qaranlıq keçmiş"ə malik səhmdarların daxil olmasının qarşısını almaq üçün dəqiq izlənilir.
