Azərbaycan, Bakı, 04 iyun / Trend , müxbir S.Əliyev/ 2008-2015-ci illər ərzində Xəzərin Azərbaycan sektorunda hazırki qiymətlə $2,7 mlrd. dəyəri olan 19 kəşfiyyat quyusunun qazılması planlaşdırılır. Bu haqda ARDNŞ-ın geologiya, geofizika və yataqların işlənməsi üzrə birinci vitse-prezidenti Xoşbəxt Yusifzadə çərşənbə günü bildirib.
O, dünya bazarında neft və neft xidmətlərinə görə qiymətlərin daima artması fonunda quyu qazma işlərinin dəyərinin artmasını istisna etməyib.
Onun sözlərinə görə, yeni kəşfiyyat quyuları üzrə qazma işlərinin "Babək", "Ümid", "Naxçıvan", "Zəfər-Məşəl", "Abşeron" dəniz yatağı və strukturlarında aparılacağı ehtimal olunur.
Sözügedən strukturlarda ümumi qaz ehtiyatı 1 trln. kub metr, kondensat üzrə - 200 mln. ton dəyərləndirilir.
Onun sözlərinə görə, "Ümid" strukturunda ümumi həcmi 200 mlrd. kub metr, "Babək"də - 300 mlrd. kub metr, "Naxçıvan"da - 300 mlrd. kub metr qaz ehtiyatı olduğu proqnozlaşdırılır.
Müəlliflə əlaqə saxlamaq üçün elektron ünvan: [email protected]
