Azərbaycan, Bakı, 23 iyul/ Trend / 2009-cu il üçün Azərbaycan Dövlət Neft Şirkətinin işlədiyi "Neft Daşları" dəniz yatağında yeni 20 hasilat quyusunu istismara vermək planlaşdırılır.
Bu tədbirlər Azərbaycan prezidenti İlham Əliyevin NQÇİ-də hasilat həcmini 812 min tondan 1,2 mln. tonadək (1,5 dəfə) artırmaq barədə sərəncamı çərçivəsində həyata keçirilir. 2008-ci ildə yataqdan neft hasilatının ümumi həcmi 936 min 420 ton təşkil edəcək. NQÇİ 2009-cu ildə hasilatı 1 mln. 20 min tonadək artırmağı planlaşdırır.
Azərbaycanın Dövlət Neft Şirkətinin prezidenti Rövnəq Abdullayev yatağa səfəri zamanı tikinti, ekoloji problemlərin, təminat üzrə problemlərin, təmir işlərinin təkmilləşdirilməsi, həmçinin NQÇİ-nin sosial problemlərinin həlli üçün xüsusi fəaliyyət planının yaradılmasına dair sərəncam verib. Bu barədə Azərbaycan Dövlət Neft Şirkətinin yaydığı məlumatda bildirilir.
Abdullayev NQÇİ-yə səfəri zamanı bildirib ki, Azərbaycan Dövlət Neft Şirkətinin fəaliyyətinin prioritet istiqamətlərindən biri dəniz yataqlarının beynəlxalq standartlar səviyyəsində işlənilməsidir. "Neft Daşları" və "Palçıq pilləsi" dəniz yataqları böyük potensiala malikdir.
