Azərbaycan, Bakı, 17 sentyabr / Trend , müxbir E.İsmayılov/ Azərbaycan Dövlət Neft Şirkəti (ARDNŞ) 2009-cu ilin birinci rübündə Qaradağ qaz anbarındakı quyular üçün kompressorlar almağı nəzərdə tutur ki, bu da onun genişləndirilməsini təmin edəcək., - ARDNŞ-dən bildiriblər.
"13 quyuda artıq iş başa çatdırılıb. Məsələ ondadır ki, quyuları qazıb qurtarırıq, mənimsəyirik, lakin kompressorlar hələ ki, yoxdur. Onların alınması növbəti ilin birinci rübündə başlayacaq", - ARDNŞ-dən bildiriblər.
Qaz anbarında tikinti işlərinin 2009-cu ilin sonunda başa çatdırılması planlaşdırılıb.
Əvvəllər ARDNŞ-nin geofizika və geologiya idarəsindən bildirdiklərinə görə, idarə avqustda Qaradağ qaz anbarının genişləndirilməsi layihəsi çərçivəsində geoloji strukturun dəqiqləşdirilməsi üçün üçşaxəli seysmik kəşfiyyata başalyıb. İşlər cari ilin sonunda başa çatacaq.
Hazırda Azərbaycan iki yeraltı qaz anbarını - Qaradağ və Qalmaz anbarlarını istismar edir.
Cari ildə qaz anbarlarına 1,4 milyard kubmetrdən çox qaz vurulacaq. Ötən il bu qaz anbarlarına 1 milyard kubmetrdən çox qaz vurulub. Qazın bu həcmi ölkə abonentlərinin 2007-2008-ci ildə payız-qış mövsümündə təmin edilməsi üçün istifadə edilib.
Qaz anbarlarına qazın vurulması ARDNŞ-in müstəqil işlədiyi yataqlardan təchiz edilir. ARDNŞ bu il ərzində 8 milyard kubmetr qaz hasil etmək niyyətindədir. Azərbaycan təxminən 1, 4 milyard kubmetr qazı "Azəri"-" Çıraq"-"Günəşli" yatağından və 2,9 milyard kubmetr qazı isə "Şahdəniz"qazkondensatı yatağından alacaq.