Qazaxıstan, Astana, 22 sentyabr / Trend , müxbir K.Konırova/ "KazMunayqaz" şirkəti Fars körfəzində blokların işlənməsi üzrə iştirak imkanlarını nəzərdə keçirir. Bu barədə "KazMunayqaz" MŞ SC-nin prezidenti Kairgəldi Kabıldin bildirib.
"Sözsüz ki, bundan əlavə, İran tərəfi Qazaxıstan, o cümlədən Xəzər neftinin cənuba potensial nəql istiqamətlərindən biridir. Bu bizə Fars körfəzinə çıxmaq və daha səmərəli marşrut kimi Asiya bazarına giriş imkanı verəcək", - deyə Kabıldin "Astana" telekanalının "Respublikanın əmlakı" proqramına müsahibəsində bildirib.
Onun sözlərinə görə, İran tərəfi şirkətə Şimal-Xəzər adlandırılan NEZ-in tikinti layihələrində iştirak payı məsələsini nəzərdən keçirməyi təklif edib.
"Lakin ABŞ-ın İrana qraşı tətbiq etdiyi sanksiyalarla əlaqədar müəyyən investisiya məhdudiyyətləri var. Bununla belə, biz hazırda bütün bu məsələləri öyrənirik", - deyə Kabıldin bildirib.
Onun sözlərinə görə, sanksiyalarla bağlı olmayan Qazaxıstan şirkətləri artıq bizim neftimizi İrana tədarük edir.
"Ümid edirik ki, perspektivli İran istiqaməti nəqliyyat marşrutlarımızı diversifikasiya etməkdə bizə yardım edəcək", - deyə milli şirkətin rəhbəri yekunlaşdırıb.
Məqalə müəllifi ilə əlaqə ünvanı - [email protected]