Ukrayna, Kiyev, 24 noyabr/ Trend , müxbir Z.Novosvitski/ Ukraynaya Rusiyanın "Qazprom" ASC şirkətindən təbii qaza görə borcun məhkəmə qaydası ilə alınması barədə rəsmi xəbərdarlıq daxil olmayıb, - Ukraynanın yanacaq və energetika naziri Yuri Prodan bazar ertəsi ölkənin Nazirlər Kabinetində jurnalistlərə bildirib.
"Bu gün məhkmə iddiasının olacağı barədə məlumat daxil olub. Lakin rəsmi materiallar göndərilməyib", - Prodan deyib.
Nazir Ukraynanın tədarük edilmiş qaza görə "Qazprom" ASC qarşısında hesabının cari vəziyyəti ilə bağlı qeyd edib ki, "suallar olsa da, bu bizdə həmişəki cari hesablardır". Qazpromun bəyanatlarına görə, Ukraynaın Rusiya qazına görə borcu 2,4 mlrd. dollar təşkil edir.
"Qazprom"un İdarə Heyəti sədrinin müavini Aleksandr Medvedyev bazar ertəsi bildirb ki, şirkət qaza görə borcların ödənilməməsinə görə Ukraynaya məhkəmə təsiri mexanizmini hazırlayıb.
"Bizdə hər şey hazırlanıb", - o bildirib və əlavə edib ki, zərurət yaranarsa, "borcun məcburi qaytarılması mexanizmi işə salınacaq".
Medvedyev belə tədbirlərin nə zaman qəbul edilə biləcəyini və məcburetmə mexanizminin konkrekt nədən ibarət olduğunu dəqiqləşdirməyib.
Rusiya Federasiyası prezidenti Dmitri Medvedyev noyabrın 23 - də bəyan edib ki, Rusiya, zərurət yaranarsa, Ukraynanı məhkəmə vasitəsilə qaza görə borcu qaytarmağa məcbur etməyə hazırdır.
Bu arada, Ukraynaın Baş naziri Yuliya Timoşenko qaz tədarükünə görə "Qazprom"a "RosUkrENergo"nun borcu yaranıb və Ukraynanın bu borclara aidiyyatı yoxdur.
Müəlliflə əlaqə saxlamaq üçün elektron ünvan- [email protected]
