...

Qazaxıstanda yataqlar üzrə neft hasilatı əmsalı ən aşağı səviyyəlilərdəndir – millət vəkili

Energetika Materials 24 Fevral 2009 18:54 (UTC +04:00)

Trend-i buradan izləyin

Qazaxıstan, Astana, 24 fevral / Trend , müxbir K.Arınova / "Qazaxıstanda yataqlar üzrə neft hasilatı əmsalı (NHƏ) neft hasilatı ilə məşğul olan ölkələr arasında ən aşağı səviyyəlilərdəndir", - bu haqda Qazaxıstan parlamentinin iclasının gedişində millət vəkili Zeynulla Alşımbayev deyib.

"Bizim ölkənin yataqlar üzrə neft hasilatı əmsalı neft hasilatı ilə məşğul olan ölkələr arasında ən aşağı səviyyəlilərdəndir və bu vacib göstərici ildən-ilə azalma tendensiyasına malikdir", - Alşımbayev bildirib.

Milət vəkili xatırladıb ki, bütün neft və qaz yataqlarında geoloji-kəşfiyyat işlərinin bitimindən sonra ehtiyatların hesablanması aparılır ki, bu da dövlət ekspertizasından keçir və balansa alınır. Eyni zamanda NHƏ-nin texniki-iqtisadi əsaslılığı təsdiqlənir.

"Bir neçə yataq üzrə misal gətirə bilərəm. Bu "Alibekmola", "Kumkol", "Uzen", "Kalamkas", "Tengiz", "Karajanbas", "Kojasay", "Jetıbay" və b. yataqlardır. Yəni biz yer altında savadsız və soyğunçu istismar üzündən böyük həmcdə nefti basdırmaqla məşğuluq", - millət vəkili hesab edir.

Enerji və Mineral Resurslar Nazirliyinin nümayəndəsi Bulat Ukşenov, parlamentarinin bəyanatına cavab verərkən qeyd edib ki, NHƏ bir çox səbəbdən, o cümlədən kollektorların xüsusiyyətlərindən və onlardan istifadə imkanlarından asılıdır.

"Əlbəttə biz NHƏ-ni artıra bilərik, amma onda biz yataqları "otuzduracağıq". Yəni hər yatağın öz müddəti var. NHƏ-ni hesablayarkən biz təxminən 48 variantı analiz edir və yatağın su ilə dolmasının qarşısını almaq üçün ən optimalını seçirik", - Uşkenov bildirib.

Onun fikrincə, NHƏ-ni artıraraq yatağın fəaliyyət müddətini artıra bilərik. Onda neft ehtiyatları çox olacaq. Onun məlumatına görə, ölkənin cənubunda NHƏ 50-60 faiz təşkil edir ki, bu da dünya təcrübəsinə uyğun gəlir. Dünyadakı böyük yataqlarda bu rəqəm 40-45 faizdir.

"Hər şey kollektorların özəllikləri və karbohidrogen xammalın hasilatı texnologiyasından asılıdır", - enerji naziri əlavə edib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti