Azərbaycan, Bakı, 02 iyun / Trend , müxbir E.İsmayılov /
SOCAR (Azərbaycan Respublikası Dövlət Neft Şirkəti) Türkmənistan və Qazaxıstan neftinin Bakı-Novorossiysk boru kəməri ilə tranzit nəqli üçün Rusiya tərəfi ilə boru kəmərinin ildə 5 milyon tona kimi doldurulması məqsədi ilə danışıqlar aparır. Bu barədə Trend -a çərşənbə axşamı SOCAR-ın yüksək rütbəli nümayəndəsi bildirib.
"Biz Rusiya tərəfinə sözügedən boru kəmərinin nəqli üçün Türkmənistan və Qazaxıstan neftindən istifadəni təklif etdik. Lakin bunun üçün hazırkı müqaviləyə dəyişikliklər edilməlidir. Danışıqların passiv formada aparılmasına baxmayaraq hələ də davam etdirilir", - deyə mənbədən bildirilib.
Rusiya tərəfini Azərbaycan neftinin nəqli qiymətləri qane etmirsə, o zaman dövlət başçısı səviyyəsində müraciət olunmalıdır. Bu barədə SOCAR-ın nümayəndəsi Rusiyanın energetika naziri Sergey Şmatkonun Azərbaycan neftinin boru kəməri ilə nəqli qiymətlərinin qaldırılması haqqındakı bəyanatına şərh verərkən bildirib.
Azərbaycan və Rusiya arasında dövlərlərarası müqavilənin imzalanması üçün 1996-cı ildə imzalanmış öncəki müqaviləni ləğv etmək lazımdır.
SOCAR bu il ərzində Bakı-Novorossiysk boru kəməri ilə təxminən 2,5 milyon ton neft nəql etməyi planlaşdırır. Mənbədən bildirilmiş məlumata əsasən, şirkət bu boru kəməri ilə qiymətlərin və fraxt məbləğinin dəqiq analizi nəticəsində sərfəli hesab olunacaq qədər neft nəql edir.
"Rusiya tərəfi Novorossiyskdə neftimizin keyfiyyətini təmin edəcəyi təqdirdə biz ildə 5 milyon ton neft nəql edə bilərik", - deyə mənbədən bildirilib.
Məqalə müəllifi ilə əlaqə ünvanı: [email protected]
