Azərbaycan, Bakı, 17 iyul / Trend /
Bu gün axşam - sabah səhər Türkiyə Azərbaycandan iyulun 14-də Cənub Qafqaz boru kəmərindəki ("Bakı-Tbilisi-Ərzurum") qaz-kompressor stansiyasındakı profilaktik işlərlə əlaqədar olaraq dayandırılmış qaz qəbulunu bərpa edəcək. Bu barədə Azərbaycanın neft-qaz sənayesindəki mənbədən bildirilib.
Hazırda Türkiyənin Azərbaycandan qaz qəbulu həyata keçirilmir, lakin yaxın zamanda o əvvəlki - sutkada 13-14 milyon kubmetr qaz həcmində bərpa ediləcək.
Müqaviləyə əsasən ,Türkiyə "Şahdəniz" yatağından bu layihənin işlənməsinin birinci mərhələsində 6,6 milyard kubmetr qaz əldə etməlidir. Layihə üzrə tədarükün bu həcminə tərəfdaşlar bu ildən çata biləcəklər.
"Şahdəniz " dəniz yatağının işlənməsi üzrə müqavilə 1996-cı il iyunun 4-də imzalanıb. Layihənin iştirakçıları bunlardır: BP (operator) - 25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO - 9 faiz, ARDNŞ- 10 faiz. Yatağın ehtiyatları 1,2 trilyon kubmetr qaz həcmində qiymətləndirilir.