Azərbaycan, Bakı, 14 sentyabr / Trend , müxbir E.İsmayılov /
Yanvar-avqust aylarında SOCAR Georgia Petroleum şirkəti (SOCAR Energy Georgia şirkətinin törəmə müəssisəsi) Gürcüstan bazarında 274 min ton Azərbaycan neft məhsullarının satışını həyata keçirməyi planlaşdırır, bu barədə çərşənbə günü SOCAR Georgia Petroleum şirkətindəki mənbədən bildirilib.
Bu dövr ərzində Gürcüstan bazarında ən çox avtomobil benzini (130,2 min tondan çox) satılıb.
Yanvar-avqust aylarında Gürcüstandakı SOCAR Georgia Petroleum şirkəti tərəfindən təxminən 113 min ton dizel yanacağının, təxminən 20 min ton aviasiya kerosininin, üç mindən tondan çox mazut, altı min tondan çox neft bitumu və iki mindən çox digər neft məhsulları satılıb.
Mənbənin əvvəlcə qeyd etdiyi kimi, bu ilin ikinci yarımilində şirkət Gürcüstan bazarında 221 min ton Azərbaycan neft məhsulunun satışını planlaşdırır. Birinci yarımildə SOCAR Georgia Petroleum Gürcüstan bazarında 197 min ton neft məhsulunun satışını həyata keçirib.
Azərbaycanın neft məhsulları Gürcüstan bazarının təxminən 50-60 faizini təşkil edir. Azərbaycanın dizel yanacağı bazarın təxminən 60 faizini, benzin isə 52-55 faizini təşkil edir, bu barədə SOCAR Energy Georgia şirkətinin başçısı Mahir Məmmədov bildirib.
ARDNŞ-ın tərkibinə daxil olan Azərbaycanın neft emalı zavodlarında (NEZ) neft emalının ümumi həcmi yanvar-avqust aylarında dörd milyon tonu ötüb.
2008-ci ildə Azərbaycanın NEZ-ləri təxminən 7,35 milyon ton neft emal edib.
Azərbaycanda neft məhsulları ümumi gücü ildə 20 milyon ton neft təşkil edən iki NEZ bazasında istehsal edilir. Hər iki zavod quru və dəniz yataqlarında öz vəsaiti hesabına hasil edilən ildə təxminən yeddi milyon ton neft emal edən ARDNŞ-ın tərkibinə daxildir.
Məqalə müəllifi ilə əlaqə ünvanı: [email protected]
