Azərbaycan, Bakı, 30 sentyabr / Trend /
Azərbaycanda Rusiyanın "Safmar" neft şirkətinin nümayəndəliyi ləğv edilib, bu barədə Azərbaycan Vergilər Nazirliyinin məlumatında deyilir.
Nümayəndəlik idarənin qərarı ilə sentyabrın 16-da ləğv edilib.
Borclular və kreditorlar bu elanın dərc olunması anından etibarən iki ay ərzində Bakı şəhəri, Əhməd Cəmil küç, ev 64/66 ünvanına müraciət edə bilərlər.
Şirkətin Azərbaycandakı nümayəndəliyi ötən il sentyabrın ayının 2-də Vergilər Nazirliyində qeydiyyatdan keçib. Azərbaycanda hüquqi nümayəndəsi Qennadi Pisarev olub.
"Safmar" şirkəti neft, qaz və neft məhsullarının pərakəndə və topdansatışı ilə məşğul olur.
