Azərbaycan, Bakı, 02 oktyabr / Trend /
Rusiyanın qaz inhisarçısı "Qazprom" Mazdok-Qazıməmməd magistral qaz kəmərinin 572-500 kilometr və 500-431 kilometrlik hissəsində korlanmış sahələrdə layihə kəşfiyyat işləri üzrə tender elan edib. Bu barədə "Qazprom"un saytında yerləşdirilən məlumatda deyilir.
Mhəz bu qazkəməri ilə 2010-cu ilin yanvarın 1-dən Azərbaycan qazının Rusiyaya ixracına başlanılacaq.
İşlər "Qazprom transaz Mahaçqala" törəmə müəssisəsinin şəxsi vəsaiti hesabına həyata keçiriləcək.
Müsabiqədə iştirak etmək üçün ərazilərin qəbulu oktyabrın 2-dən başlayacaq. Tender təklifləri olan zərflər noyabrın 2-də açıqlanacaq.
ARDNŞ-ın "Azəriqaz" İstehsalat Birliyi sədrinin birinci müavini Nazim Səmədzadənin əvvəlcədən bildirdiyi kimi, 2010-cu ilin yanvar ayının 1-dən ARDNŞ ildə 1,5 milyon kubmetr Azərbaycanın qazının Rusiyaya ixracına başlayacaq.
Azərbaycan qazının Rusiyaya ixrac edilməsinə dair müqavilə iyun ayında Bakıda ARDNŞ və "Qazprom" arasında imzalanıb. Müqavilə 500 milyon kubmetrdən az olamayan ixrac imkanı ilə beş il müddətinə nəzərdə tutulub. Qaz tədarükü barədə müqavilənin imzalanması bu ilin oktyabr ayı ərzində gözlənilir.
"Bu müqavilə bizim üçün sərfəlidir. Onu imzalayaraq biz bizdə olan qaz artıqlarını ixrac etmək imkanı əldə etdik", - bu barədə ARDNŞ-in sədri Rövnəq Abdullayev bildirib. İxrac həcmləri qarşıdakı yarımildə razılaşdırılacaq.
Azərbaycan və Rusiyanı birləşdirən Mazdok-Qazıməmməd qaz kəmərində onun revers rejimində fəaliyyət göstərməsi üçün ilin sonuna kimi texniki işlər həyata keçirləcək. Kəmərin gücü ildə 5-10 milyard kubmetr qaz təşkil edir.