Qazaxıstan, Astana, 12 oktyabr / Trend , müxbir K.Konırova/
"Tengizşevroyl" şirkətindən Trend -a verilən məlumata görə, 2008-ci ildə şirkət kükürd satışının həcmi üzrə lider olub.
Məlumatda deyilir ki, 2009-cu ilin ilk yarimilliyində şirkət 1.37 milyon ton kükürd satıb ki, bu da bu məhsulun istehsal həcmini 135 faizə çatdırıb. Şirkətdən verilən məlumata görə, 2009-cu ilin altı ayı ərzində 1.1 milyon ton kükürd istehsal edilib.
"Tengizşevroyl"un istehsal etdiyi yüksək keyfiyyətli kükürd Rusiya, Ukrayna, Çin, Mərkəzi Asiya ölkələri, ümumilikdə isə dünyanın 30-dan çox ölkəsinə ixrac olunur. Bu il Qazaxstanın ən böyük istehlakçıları olan "Qazatomprom" və " Sunkara" şirkətlərinin ildə 1.3 milyon ton kükürdlə təchiz olunması nəzərdə tutulur.
