Azərbaycan, Bakı, 12 yanvar / Trend , müxbir E.İsmayılov/
2009-cu ildə "Azərbaycan Dəmir Yolları" QSC 10 milyon tona yaxın neft yükləri daşıyıb ki, bu da 2008-ci ilin analoji dövr göstəricisindən 26% aşağıdır. Bu barədə çərşənbə axşamı QSC-dəki mənbə deyib. 2009-cu ildə QSC-nin yükdaşımalarının həcmi 20,66 milyon manat, 2008-ci ildə isə 27,4 milyon ton təşkil edib.
"Keçən il yükdaşımaların ümumi həcmi 20,66 milyon ton təşkil edib ki, bu da 2008-ci ildəki göstəricinin 76%-dir", - mənbə əlavə edib.
Onun sözlərinə görə, daha çox azalma daxili yükdaşımalarda müşahidə edilir.
Dəmiryolla sərnişindaşımalarda 2009-cu ilin yekunları üzrə azalma müşahidə edilməyib. 2009-cu ildə QSC tərəfindən 6,43 milyona yaxın sərnişin daşınıb ki, bu da 2008-ci ildəki göstərici ilə praktiki olaraq eynidir.