Azərbaycan, Bakı, 1 aprel /Trend, müxbir E.İsmayılov/
Yanvar-mart aylarında Xəzər Boru Kəməri Konsorsiumu (XBKK) səhmdarları tərəfindən "Yujnaya Ozereyka-2" terminalında CPC Blend markalı 8,53 milyon ton civarında neft yüklənib. Ötən ilin analoji dövründə bu göstərici 8,76 milyon ton təşkil edib. Bu barədə XBKK-nın mətbuat xidmətindən bildirilib.
2009-cu ilin martında 3,04 milyon tona nisbətdə bu ilin mart ayında terminalda 2,83 milyon ton neft yüklənib.
2009-cu ildə XBKK səhmdarları terminalda təqribən 34,6 milyon ton neft yükləyiblər. 2008-ci ildə bu rəqəm 31,5 milyon ton olub. 2007-ci ildə XBKK səhmdarları 32,6 milyon tondan çox neft yükləyiblər.
Həcmlərin nəql və boşaldılmasını (qoşulma ardıcıllığı ilə) həyata keçirən XBKK yükgöndərənləri aşağıdakılardır:
- "Tengizşevroyl" - bağlanmış müqavilələrdən birincisi - tədarük olunan əsas həcmlər sisteminin əsas yüklənməsini təmin edir;
- "Arman" - XBKK səhmdarı Oryx Caspian Pipeline LLC-nin affilə edilmiş yükgöndərəni. Hazırda "Şell"in mülkiyyətindədir;
- "Embamunayqaz" və "Qazaxoyl-Aktobe" - XBKK səhmdarı Kazakstan Pipeline Ventures LLC-nin affilə edilmiş yükgöndərəni;
- "CNPC-Aktobemunayqaz" - Qazaxıstan hökumətinin giriş hüquqlarından yararlanaraq terminalda həcmlərin nəql və boşaldılmasını həyata keçirir;
- "Litasko" - XBKK səhmdarı LUKARKO B.V. şirkətinin affilə edilmiş yükgöndərəni;
- "Karaçaqanak Petroleum Opereytinq B.V." - "Tengizşevroyl"dan sonra nəql həcmləri üzrə ikinci yükgöndərən. XBKK-nın bir çox səhmdarları yanında affilə edilib;
- "Nafta Trans" QSC və onunla affilə edilmiş şirkətlər - Rusiya Federasiyasının giriş hüquqlarına əsasən rus hasilatçılarının neftini XBKK-ya tədarük etmək səlahiyyətindədir.