...

Yanvar-iyun aylarında bp-nin Azərbaycandakı layihələri çərçivəsindəki işlərə 460 milyon dollara yaxın vəsait xərclənib

Energetika Materials 11 Avqust 2010 17:12 (UTC +04:00)

Azərbaycan, Bakı, 11 avqust /Trend, müxbir E.İsmayılov/

Yanvar-iyun aylarında Britaniyanın bp şirkətinin Azərbaycandakı sifarişləri çərçivəsində xərcləri 459 milyon dollar təşkil edib. Bu barədə bp-nin hesabatında deyilir. Şirkət Azərbaycanda ən iri neft-qaz layihələrinin operatorudur.

2009-cu ildə ölkədəki sifarişləri çərçivəsində xərcləri 982 milyon dollar təşkil edib.

Eləcə də bu ilin yanvar-iyun aylarında xırda və orta müəssisələr üzrə xərclər (cəmi 193) 67 milyon dollar, dövlət şirkətləri (35) 14 milyon dollar, yerli tərəfdaşa malik birgə müəssisələr (19) 148 milyon manat olub. Ötən il ölkə daxilində xarici podratçıların xərcləri 230 milyon manat təşkil edib.

2009-cu ildə sosial məsuliyyət çərçivəsindəki layihələrə 1,2 milyon manat xərclənib. Həmçinin, Azərbaycanın "Azəri-Çıraq-Günəşli" yataqlarının işlənməsi layihəsi üzrə xərclər 0,26 milyon manat, "Şahdəniz" üzrə 0,05 milyon manat , "Bakı-Tbilisi-Ceyhan" və  "Bakı-Tbilisi-Ərzurum" boru kəmərləri üzrə xərclər 0,46 milyon manat təşkil edib. bp-nin öz sosial məsuliyyət çərçivəsindəki layihələrə 0,5 milyon dollar xərclənib.

Xəbər lenti

Xəbər lenti