Azərbaycan, Bakı, 28 sentyabr /Trend, müxbir E.İsmayılov/
Rusiyanın qaz inhisarçısı "Qazprom" Mozdok-Qazıməmməd qaz boru kəmərində (600-605 km, 606-610 km məntəqəsində) təzyiq-deformasiya vəziyyətinə nəzarəti təmin etməklə çökmə (sürüşmə) prosesləri ilə bağlı monitorinqin aparılması üzrə tender elan edib.
Müsabiqədə iştirak üçün ərizələr bu il oktyabrın 25-i saat 14:00-dək qəbul ediləcək. Eyni vaxtda təklif zərflərinin açılışı olacaq.
İşlərin maliyyələşməsini "Qazprom" MMC-nin törəmə şirkəti "Qazprom Transqaz Mahaçqala" aparacaq.
Tenderdə iştirak üçün əlavə məlumat əldə etmək və ərizə təqdimatına görə əlaqə:
"Qazprom Transqaz Mahaçqala",
Ünvan: 367030, Dağıstan Respublikası, Mahaçqala ş., O.Bulaç küç.
Tel.: 8 (8722) 51 97 64, 51 95 54
faks: 8 (8722) 51 99 54.
Əlaqə yaratmaq üçün şəxslər:
Murad Eldarxanov, E-mail: [email protected]
Səid Şamilov, E-mail: [email protected].
ARDNŞ bu ilin əvvəlindən etibarən Mozdok-Qazıməmməd qaz boru kəməri ilə Rusiyaya qaz ixrac edir. Bu ilin sonunadək bu istiqamətdə ixrac ediləcək Azərbaycan qazının ümumi həcmi bir milyard kubmetr təşkil edəcək.
Azərbaycan qazının Rusiyaya alqı-satqısı üzrə ortamüddətli müqavilə 2009-cu il oktyabrın 14-də Bakıda imzalanıb. 2010-2014-cü illəri əhatə edən müqavilə ARDNŞ (Azərbaycan Respublikası Dövlət Neft Şirkəti) ilə "Qazprom" şirkəti arasında imzalanıb. 2011-ci ilin sentyabrında Bakıda müqaviləyə imzalanan əlavəyə əsasən, "Qazprom" iki milyard kubmetr, 2012-ci ildə isə iki milyard kubmetrdən çox qaz alacaq.
