Azərbaycan, Bakı, 8 dekabr /Trend, müxbir E.İsmayılov/
Bu ilin yanvar-noyabrında Gürcüstanın Poti Beynəlxalq Qara dəniz ticarət limanı ötən ilin analoji dövründəki 818 min tona qarşı 1,04 milyon ton neft yükləri göndərib. Bu barədə çərşənbə günü Poti limanındakı mənbə bildirib.
Onun sözlərinə görə, liman ümumilikdə yanvar-noyabrda ötən ilin analoji dövründəki 5,5 milyon tondan artıq yükə qarşı 6,6 milyon ton müxtəlif yüklər göndərib.
Yanvar-noyabrda əsas yüklərin həcmi ötən ilin analoji dövründəki 2,7 milyon tondan artıq yükə qarşı 3,2 milyon ton təşkil edib. Eləcə də terminal vasitəsilə daşınan yüklərin bir hissəsi konteynerlərin payına düşüb. Mənbə bildirib ki, həmçinin bu dövrdə limandan 190,8 min TEU-konteyner daşınıb ki, ötən ilin yanvar-noyabrında 151,7 min təşkil edib.
Onun sözlərinə görə, proqnozlara görə ilin sonunadək limandan daşınacaq yüklərin həcmi 7,2-7,3 milyon ton təşkil edəcək.
Ümumilikdə, 2009-cu ildə Poti limanı vasitəsilə 6,1 milyon tona yaxın müxtəlif yüklər daşınıb, bunun 3,04 milyon tonu əsas yüklərin, 2,1 milyondan çoxu isə tökmə yüklərin payına düşüb.
Həmçinin 2009-cu ildə Poti limanından 172,8 min ton konteyner yükləri daşınıb.
Poti limanında cəmi 15 körpü var.
