Azərbaycan, Bakı, 19 yanvar /Trend, müxbir E.İsmayılov/
Yeni məlumatlara görə, ARDNŞ (Azərbaycan Respublikası Dövlət Neft Şirkəti) Xəzərin Azərbaycan sektorundakı "Babək" perspektivli strukturunun ehtiyatlarıni 400 milyard kubmetr qaz və 80 milyon ton kondenstan həcmində qiymətləndirir. Bu barədə "Respublika" qəzetinə müsahibəsində ARDNŞ-nin birinci vitse-prezidenti Xoşbəxt Yuisifzadə deyib.
Əvvəllər ARDNŞ mütəxəssisləri "Babək" strukturunun ehtiyatlarını 200 milyard kubmetr qaz və 45 milyon ton kondensat həcmində qiymətləndiridirlər.
Strukturun ehtiyatlarının yenidən nəzərdən keçirilməsi "Ümid" yeni qaz-kondensat yatağının açılmasına imkan verdi. Bu yatağın ehtiyatları ilkin məlumatılara görə, 200 milyard kubmetr qaz və 40 milyon ton kondensat həcmində qiymətləndirilir. Yeni yatağın açılması "Babək", "Naxçıvan", "Zəfər" və "Məşəl" strukturlarının yerləşdiyi rayonun perspektivliyini artırdı.
"Ümid" yatağı Bakıdan 75, qurudan 40 kilometr uzaqlıqda yerləşir. 1953-cü ildə burada ilk dəfə geofiziki işlər aparılıb. İşlər bir qədər təkmilləşdirilmiş şəkildə 1972-ci ildə yenidən həyata keçirilib. Sonra 1977-1992-ci illərdə doqquz quyu qazılıb, lakin bunlardan heç biri nəticə verməyib.