...

Yaxın günlərdə Azərbaycanda neft və qaz komitəsi təsdiq olunacaq

Energetika Materials 8 Fevral 2011 14:48 (UTC +04:00)

Trend-i buradan izləyin

Azərbaycan, Bakı, 8 fevral /Trend, müxbir E.İsmayılov/

Yaxın günlərdə Azərbaycanda Standartlaşdırma, Metrologiya və Patent üzrə Dövlət Komitəsi yanında neft və qaz üzrə texniki komitə təsdiq olunacaq. Trend-in məlumatına görə, bu barədə çərşənbə günü komitədən bildirilib.

"Artıq hər şey hazırlanıb, yalnız yaxın günlərdə komitənin təsdiq olunması qalıb", - mənbə qeyd edib. Komitənin vəziyyəti, onun quruluşu təsdiqə hazırdır.

Onun sözlərinə görə, artıq komitəyə kimin sədrlik edəcəyi faktiki olaraq müəyyən olunub.

Bundan əvvəl Dövlət Komitəsinin Texniki nizamlama və standartlaşdırma şöbəsinin rəhbəri Sabiq Abdullayevin dediyi kimi, komitənin tərkibinə yeddi alt komitə daxildir. Texniki komitə bütün maraqlı tərəflərin, hökumət və qeyri-hökumət orqanları, istehsalçı və satıcıların forumudur. Komitəyə ARDNŞ (Azərbaycan Respublikası Dövlət Neft Şirkəti) sədrlik edəcək.

Azərbaycanda bu sahədə həm AZS milli standartları, həm də QOST regional standartları fəaliyyət göstərir.

"Məqsədimiz milli standartları beynəlxalq standartlara uyğunlaşdırmaqdır", - Abdullayev deyib. Nümunə üçün ISO və API beynəlxalq standartlarını göstərmək olar.

Komitə neft və qaz sahəsində bütün müvafiq standartları nəzərdən keçirəcək və onların bugünün tələblərinə uyğun olub-olmadığını müəyyən edəcək. Uyğun olmadığı halda Azərbaycanda qazma və neft məhsulları istehsalından başlayaraq neft-qaz sahəsində hansı standartların tətbiqinin vacib olduğu müəyyənləşdiriləcək. Daha sonra tədbirlər planı hazırlanacaq və onun əsasında bir neçə il ərzində neft və qaz sahəsində Azərbaycanın standartlar fondu yenilənəcək.

Xəbər lenti

Xəbər lenti